Samarkant şäheri, Türk-Yslam Medeniýetiniñ naýbaşy eserlerine ýer eýeçiligi edýär

Türkiýe Respublikasy, Özbegistanyñ Samarkand şäherinde ilkinji başkonsullugyny açýar.

06 Mart 2021 22:29

Türkiýe Respublikasynyñ täze bellenen Samarkand Baş konsuly Salih Janer beren beýanatynda; 2021-nji ýylyñ  7-nji martynda daşary işler ministri Mewlüt Çawuşogly we Özbegistanyñ daşary işler ministri Abdulaziz Kamilowyñ gatnaşmagynda Başkonsullyk binasynyñ dabaraly ýagdaýda  açyljakdygyny habar berip iki doganlyk ýurt arasynda syýasy, söwda, medeni ugurlarynyñ başda durmagynda hyzmatdaşlygyñ ähli pudaklarda ösýändigini aýtdy.

Baş konsul Salih Janer: “ Türkiýe Respublikasy, Özbegistanyñ garaşsyzlygyny 1991-nji ýylda ilkinji tanan we Daşkentde ilçihana açan ilkinji döwletdir. Taryhy jogapkärçilik bilen Türkiýe, başkonsullyk açma karary kabul etdi. Başkonsullyk binasynyñ Samarkand şäherinde açylmagy bizi buýsandyrýar, begendirýär.”- diýdi.

Paýtagt Daşkentden soñ Türk raýatlarynyñ aglabasynyñ Samarkand şäherinde ýaşaýandygyna ünsi çeken baş konsul Salih Janer, baş konsullygyň türk-özbek raýatlarynyň isleglerini kanagatlandyrmak we  iki ýurduñ arasynda medeni, söwda-ykdysady we beýleki ugurlarda hyzmatdaşlygy ösdürmek üçin işlejekdigini aýtdy.

Samarkand welaýat syýahatçylyk müdiri Dilşad Narzikulow Özbegistanyň iň möhüm syýahatçylyk sebitlerinden biri bolan Samarkandda müňden gowrak taryhy we medeni binanyň bardygyny we şäherde 400-e golaý myhmanhananyň hyzmat berýändigini aýtdy.

Samarkandda dini syýahatçylygy ösdürmek üçin uly mümkinçilikleriñ bardygyny bellän Narzikulow, sebitde Ymam Buhari, Ymam Maturudi we Hoja Ahrar Weli ýaly beýik alymlaryň we yslam dünýäsiniň alymlarynyň türbeleriniñ bardygyny aýtdy.

Dilşad Narzikulow, Baş konsüllük binasynyñ açylmagynyñ iki ýurduñ arasyndaky söwda-ykdysady, syýahatçylyk we gumanitar ugurlardaky gatnaşyklary hasam ösdürmek üçin uly goşant goşjakdygyny aýtdy.

Türk-yslam siwilizasiýasynyň möhüm eserleriniň ýerleşýän ýeri bolan Samarkand, ýurduñ 2-nji uly şäheri bolmak bilen bir hatarda miladydan öňki 8-nji asyra degişli taryhy bilen müňden gowrak naýbaşy esere ýer eýeçiligi edýär.

Samarkantda,  Merkezi Aziýada türk arhitekturasynyň seýrek duş gelýän nusgalaryndan biri bolan Registan meýdany, hezreti Muhammediň doganoglany Kusem bin Abbasyň türbediniñ orun alýan  Şahi Zindek kompleksi, meşhur matematik we astronom Timur tarapyndan gurlan Ulugbeg obserwatoriýasy, Teýmir hanyñ türbediniñ bolan Guri Emir mawzoleýi; Teýmir hanyñ aýaly Bibi Hanym tarapyndan gurdurulan Bibi Hanym Medresesi, 712-nji ýylda Merkezi Aziýada ilkinji metjit bolan Hazret Hyzyr metjidi ýaly ýüzlerçe taryhy we medeni binalaryň mekanydyr.

YUNESKO-nyň howandarlygynda 2750 ýyllygyny bellän Samarkand şäheri, 2001-nji ýylda Bütindünýä mirasynyň sanawyna girizildi.