Şanhaý Hyzmatdaşlyk Guramasyna agza ýurtlaryň sport ministrleri Özbegistanda duşuşdy

ŞHG-a agza ýurtlaryñ sport ministrleri Özbegistanyñ paýtagty Daşkentde maslahat geçirdi.

20 Mayıs 2022 17:54

Özbegistanyň Sport Ösüş ministri Adham Ikramowyň ýer eýeçiliginde geçirilen maslahata ŞHG-nyñ agzalary Russiýa, Hytaý, Gazagystan, Gyrgyzystan, Täjigistan, Pakistan we Hindistanyň sport ministrleri we ýokary derejeli ýolbaşçylary gatnaşdy.

Maslahatyñ açylyş dabarasynda çykyş eden ŞHG-nyň Baş sekretary Žang Min sportuň ýurtlaryň arasyndaky hyzmatdaşlygy ösdürmekde we ýurtlaryñ tanadylmagynda möhüm rol oýnaýandygyny aýtdy.

Gurama agza ýurtlaryň arasynda tapawutly sport çäreleriniň geçirilmelidigini we bu ýurtlara mahsus milli sport oýunlarynyň ösdürilmelidigini belläp geçen Min sportuň syýasylaşdyrylmaly däldigini aýtdy.

Maslahatda, agza ýurtlarda sporty ösdürmekde hyzmatdaşlyk etmek, sport enjamlaryny we egin-eşik öndürmek boýunça bilelikdäki taslamalary durmuşa geçirmek ara alynar.

Şeýle-de maslahatda 2025-nji ýylda Özbegistanda gurnaljak Aziýa ýaşlyk oýunlarynyň geçiriljek Olimpiýa şäherçesi tanyşdyryldy.

Maslahatda “Şanhaý Hyzmatdaşlyk Guramasyna agza ýurtlaryñ hökümetleri arasynda 2022-2024 ýyllary üçin sport ugrunda hyzmatdaşlygy ösdürmek boýunça iş meýilnama kabul edildi.

Maslahatda ŞHG-nyñ sport ministrleri nobatdaky maslahatyñ 2023-nji ýylda Hindistanda geçirilmegi boýunça ylalaşyk gazandylar.