Türk dünýäsiniñ ýaşlary Türkistan şäherinde duşuşdy

Gazagystanyñ Türkistan şäherinde “Türk Dünýäsiniñ Altyn sallançagy Türkistan” temaly halkara ýaşlyk forumy gurnaldy.

23 Haziran 2021 18:32

Gazagystanyň Maglumat we sosial ösüş ministrligi tarapyndan gurnalan foruma Türkiýe, Türkmenistan, Azerbaýjan, Özbegistan we Gyrgyzystandan jemi 200 wekil gatnaşdy.

Forumyñ açylyş dabarasyna wideoaragatnaşyk ulgamy arkaly gatnaşan Gazagystan Senatyñ başlygy Maulen Asimbaýew eden çykyşynda Türk dünýäsiniñ tapawutly künjeginden gelen wekillere Türkistan şäheriniñ taryhy gymmaty barasynda gürrüñ berdi.

Asimbaýew, gadymy şäher Türkistanyñ Türk dünýäsinde birleşdiriji rolunyň bardygyny belläp esasanam ýaşlaryň arasynda özara hyzmatdaşlygy berkitmegiň möhümdigine ünsi çekdi.

Forumyñ çäginde Türkistanyñ Türk dünýäsiniñ ruhy we medeni paýtagty hökmünde tanadylmagynda ýaşlyk lagerlerini gurnamak, ýaşlyk guramalary arasyndaky hyzmatdaşlygy artdyrmak meseleleri ara alyndy.

Forumda Türkiýä wekilçilik edýän ýaşlyk we sport ministirligine bagly ýaşlyk işleri bölüminiñ  başlygy Oktaý Mahşer Türkistanda bolanyna begenýändigini we hyzmatdaşlygyň medeniýet, bilim we sungat ugurlarynda alnyp barylmalydygyny aýtdy.

3 günläp dowam eden forumyñ çäginde gatnaşyjylara Türkistanyñ mukaddes we medeni mekanlary tanadyldy, ylmy maslahatlar we kitap sergileri gurnaldy.

Forum “Türk Dünýäsiniñ Ýaşlary” atly seýilgähiñ açylyş dabarasy bilen öz işini tamamlady.