Türk dünýäsiniň metbugat hünärmenleri Bakuwda ýygnandy
Azerbaýjanyñ paýtagty Bakuwda Türki dilli döwletleriň hyzmatdaşlyk Geňeşiniň (Türk Geňeşi) Metbugat we maglumat pudagynda hyzmatdaşlyk boýunça iş toparynyň 8-nji maslahaty geçirildi.
09 Nisan 2021 14:01
Türk Geñeşiniñ baş sekretarynyñ orunbasary Gismet Gözelowyñ ýolbaşçylygynda geçirilen maslahata Azerbaýjan, Gazagystan, Gyrgyzystan, Özbegistan, Türkiýe we Wengriýadan ýolbaşçylar we hünärmenler gatnaşdylar. Maslahata Türkiýäniñ adyndan Prezidentiñ ýanyndaky Komunikasiýalar edarasynyñ jemgyýetçilik diplomatiýasy bölüminiň müdiri Ömer Faruk Tanrywerdi gatnaşdy.
Türk Geñeşiniñ baş sekretarynyñ orunbasary Gismet Gözelow maslahatda eden çykyşynda Türk Geňeşiniñ agza ýurtlaryň arasynda ykdysadyýet, saglygy goraýyş, syýahatçylyk, bilim, energiýa we aragatnaşyk pudaklary ýaly dürli ugurlardaky gatnaşyklary ýokarlandyrmak üçin tagalla edilmelidigini aýtdy.
Metbugat pudagynda hyzmatdaşlyk etmegiñ ähmiýetine ünsi çeken Gözelow: “ Umumy taryh we medeni mirasymyzyñ gurama agza ýurtlarda we bütindünýäde tanadylmagy, halklarymyzyñ arasyndaky aragatnaşygy hasam ýokarlandyrmak üçin metbugat we maglumat pudagy uly ähmiýete eýe. Bu sebäpdenem metbugat we maglumat pudagyndaky hyzmatdaşlygymyzy hasam pugtalandyrmak isleýäris”-diýdi.
Prezidentiñ ýanyndaky Komunikasiýalar edarasynyñ jemgyýetçilik diplomatiýasy bölüminiň müdiri Ömer Faruk Tanrywerdi eden çykyşynda Türk Dünýäsi bilen gatnaşyklaryñ uly bölümini metbugat we maglumat pudagyndaky hyzmatdaşlygyñ tutýandygyny nygtap Türkiýäniñ doganlyk ýurtlar bilen bu pudaklardaky ikitaraplaýyn gatnaşyklarynyñ degişli guramalar bilen hökümetleriň arasyndaky gazanylan ylalaşyklar we gepleşikler arkaly üstünlikli dowam edýändigini aýtdy.
Faruk Tanrywerdi, Türk Geñeşiniñ üçegi astynda hyzmatdaşlygy hasam güýçlendirmek üçin gurnalan bu maslahatdan hoşal bolandyklaryny nygtap anyk taslamalaryñ durmuşa geçirilmeginiñ uly ähmiýete eýe bolandygyny aýtdy.
Tanrywerdi, “ Türk dünýäsini bütindünýä tanatjak bilelikde taslamalar işläp düzmeli. Bu çäkde öñümizdäki döwürde Türk dünýäsini tanadýan telewideniýe gepleşikleri we dokumental kino-filmler taýarlalyñ”-diýdi.
Tanrywerdi, TRT Awaz tele-ýaýlymynyñ umumy taslamalaryñ durmuşa geçirilmeginde aýratyn ähmiyete eýe bolandygyny belläp 2021-nji ýylda Türki dilli döwletleriñ garaşsyzlyklarynyñ 30 ýyllygyny belleýändiklerini we Garaşsyzlygyñ 30 ýyllygy mynasybetli halkara metbugat forumuñ guramagyň peýdaly boljakdygyna ynanýandyklaryny aýtdy.
10-njy aprelde Türk Geňeşiniň Maglumat we metbugat ministrler we ýokary derejeli resmileriň 3-nji maslahaty geçiriler.