Türk Geñeşine agza ýurtlaryñ ýaşlyk we sport ministrleriñ maslahaty Özbegistanda geçirildi

Türk Geñeşine agza ýurtlaryñ ýaşlyk we sport ministrleriñ 5-nji maslahaty Daşkent şäherinde geçirildi.

21 Eylül 2021 12:05

Türk Geñeşiniñ baş sekretary Bagdat Amreýewiñ ýolbaşçylygynda geçirilen maslahata Türkiýäniñ ýaşlyk we sport ministri Mehmet Muharrem Kasapogly, Azerbaýjanyñ ýaşlyk we sport ministri Farid Gaibow, Gazagystanyñ informatika we sosial galkynyş ministri Aida Balaýewa, Özbegistanyñ ýaşlyk işleri guramasynyñ başlygy Alişer Şadullaýew, Gyrgyzystanyñ medeniýet, informatika, sport we ýaşlyk syýasaty ministirliginden resmiler bilen Türk Geñeşiniñ synçy agzasy bolan Wengriýanyñ  daşary işler we söwda ministirligi sport diplomatiýasy bölüminiñ baş müdüri Istwan Igloi-Nagy gatnaşdy.

Maslahatda çykyş eden Türkiýäniñ ýaşlyk we sport ministri Mehmet Muharrem Kasapogly sport taýdan örän netijeli we üstünlikli bir ýyly geçirendiklerini belläp başda ýer eýesi Özbegistanyñ durmagynda Türk dünýäsiniñ olimpiýa we paralimpiýa oýunlarynda uly üstünlikler we tejribeler gazanandyklaryny aýtdy.

Ministr Kasapogly, bu üstünlikleriň 2024-nji ýylda geçiriljek  Pariž Olimpiýa oýunlarynda bu tejribe we dörediljek hyzmatdaşlyk bilen üstünlikleriñ hasam köpeljekdigini aýtdy.

Ýaşlyk we sport ministri Mehmet Muharrem Kasapogly 2022-nji ýylda ýaşlyk we spot pudagynda Türk Geñeşiñ üçegi astynda ýaş telekeçiler forumy, ýaşlyk platformasy, ýaşlyk festiwaly, ýaşlyk lageri, ýaş ýolbaşçylar forumy ýaly köp sanly çäre gurnaljakdygyny habar berdi.

Ministr Kasapogly,” ýaşlaryñ asrasynda alyş-çalyş programmalary, tejribelerimizi paýlaşmaga mümkinçilik döreder we ýaşlarymyza birek-biregi we medeniýetleri has gowy tanamaga mümkinçilik berer. Bu çäkde 2022-nji ýylyň aprel aýynda Türkiýede ilkinji ýaşlar alyş-çalyş programmany durmuşa geçireris. Programma gatnaşjak ýaşlarymyz ilçiler hökmünde döwletlerimiziñ arasyndaky hyzmatdaşlygy hasam pugtalanmagyna goşant goşarlar”-diýdi.

Ministr Kasapogly, “ ilkinji gezek 2020-nji ýylda döredilen “Türk dünýäsiniň ýaş meýletinçiler topary programmanyñ ikinjisini 2022-nji ýylyñ tomus aýlarynda Stambul şäherinde gurnamagy meýilleşdirýäris. Şeýlelik bilen, süññimizde bar bolan meýletinlik medeniýetini güýçlendirmek we hyzmatdaşlygymyzy güýçlendirmegi maksatlaýarys"-diýdi.

Ministr Kasapogly, 2022-nji ýylda uniwersitet sport oýunlaryna ýer eýeçiligi etjek Gazagystana, ýaşlar pudagynda gurajak çärelerinde üstünlik arzuw etdi.

Gyrgyz Respublikasynyñ  başlangyjy bilen başlan “Bütindünýä çarwa oýunlarynyň” halkara arenada marka gymmaty bolan uly sport taslamasyna öwrülýändigini bellän ministr Kasapogly: "Bütindünýä çarwa oýunlarynyň dördünjisini 2022-nji ýylyň güýzünde Bursanyñ Iznik etrabynda gurnarys” -diýdi.

Ministr Kasapogly, 2022-nji ýylda Konýa şäherinde geçiriljek 5-nji Yslam raýdaşlyk oýunlay üçin hem irginsiz zahmet çekilýändigini belläp Türk Geñeşine agza ýurtlaryñ ýaşlyk we sport ministirleriniñ 6-njy maslahatynyñ Türkiýede geçiriljekdigini habar berdi.

Türk Geñeşiniñ baş sekretary Bagdat Amreýew, Türk Geñeşi üçegi astynda 2022-nji ýylda geçiriljek çäreler barasynda giñişleýin maglumat berip Türkiýäniñ 2022-nji ýylda 4-nji bütindünýä çarwa oýunlary, Türk Geñeşi ýaşlyk we sport ministirleriniñ 6-njy maslahaty bilen bir hatarda köp sanda çäreleriñ gurnaljakdygyny habar berip Türkiýäniñ bu çäreleriñ hemmesini iň ýokary derejede gurajakdygyna ynanýandygyny aýtdy.

Baş sekretar Amreýew 2022-nji ýylda Uniwersitet sport oýunlarynyñ Gazagystanda, Türk dünýäsi halkara ýaşlyk lageriñ Azerbaýjanda, Türk Geñeşi ýaş ýolbaşçylar forumyñ bolsa Özbegistanda gurnalmagynyñ meýilleşdirilýändigini aýtdy.

Özbegistanyñ ýaşlyk işleri guramasynyñ başlygy Alişer Şadullaýew maslahatda eden çykyşynda şugunki gün Türk Geñeşine agza ýurtlaryñ ýaşlyk we sport ministrleriñ maslahatynyñ tutuş Türk dünýäsiniñ ýaşlarynyñ bähbidine hyzmat edýän bir platforma öwrülendigini nygtap bu maslahatlaryñ Türk dünýäsiniñ ýaşlary üçin täze mümkinçilikler döretjekdigini aýtdy.

Alişer Şadullaýew, Özbegistan hökmünde Türk Geňeşine agza ýurtlaryň arasynda "Türk Dünýäsiniñ ýaşlar Paýtagty" programmasyny başladylmagyny, Özbegistandan bir şäheriñ bolsa birinji  Türk Dünýäsiniñ  ýaşlar Paýtagty hökmünde saýlanmagyny teklip etdi.

Azerbaýjanyñ ýaşlyk we sport ministr Farid Gaibow eden çykyşynda 30 ýyla golaý Ermenistanyñ basyp alyşlygy astynda galan Azerbaýjan topraklarynyñ Azerbaýjanyñ şanly goşunynyñ 44 günläp dowam etdiren söweşiniñ netijesinde azat edilendigini we bu söweşde 3 müñe golaý Azerbaýjanly esgeriñ şehit bolandygyny ýatladyp bu söweşde beren ruhy we syýasy goldawlary üçin Türk Geñeşine we agza ýurtlara sagbolsun aýtdy.

Maslahatyñ ahyrynda ministrler "Türki dilli ýurtlaryň Hyzmatdaşlyk Geňeşiniň garamagynda köptaraplaýyn we ikitaraplaýyn ýaşlar we ýaşlar alyş-çalyş programmasy boýunça özara düşünişmek Memorandumyna" gol çekdiler.