TÜRK GEŇEŞINIŇ GURAMALARYNY UTGAŞDYRYJY KOMITETINIŇ MEJLISI GEÇIRILDI

Türki dilli ýurtlaryň guramalarynyň arasyndaky hyzmatdaşlygy ýokarlandyrmak üçin döredilen Türk dilli ýurtlaryň Hyzmatdaşlyk Geňeşiniň (Türk Geňeşi) Guramalary Utgaşdyryjy Komıtetıniň mejlisi sanly wideo konferensiýa arkaly geçirildi.

25 Eylül 2020 17:29

Türk Geňeşiniň Baş sekretary Bagdat Amreýewiň ýolbaşçylygynda geçirilen maslahata Türk dilli ýurtlaryň parlamentar  Assambleýasynyň (TURKPA) Baş sekretary Altynbek Mamaýusupow, Halkara Türk Medeniýet Guramasynyň (TURKSOY) Baş sekretary Dusen Kaseinow, Halkara Türk Akademiýasynyň başlygy Darhan Kydyrali we Türk medeniýet we Miras Gaznasynyň başlygy Günaý Efendiýewa gatnaşdy.

Türk Geňeşiniň soňky 2 ýylda taryhynyň iň netijeli we işjeň döwrini başdan geçirendigini nygtan Amreýew, Türk dünýäsinde barha artýan giňişleýin hyzmatdaşlygyň türk hyzmatdaş guramalarynyň arasynda täze utgaşdyryjy derejäni talap edýändigine ünsi çekdi.

Guramalaryň işjeňligini diňe hyzmatdaşlyk, utgaşyklyk we bilelikdäki meýilnamalar arkaly köpeldip boljakdygyny aýdan Amreýew, TÜRKSOY-yň köp ýyllan bäri halkara marka öwrülendigini we doganlyk türk halklarynyň arasyndaky medeni gatnaşyklary berkitmek üçin möhüm platforma eýeländigini nygtady.

TURKPA-nyň geňeşe agza ýurtlaryň parlamentara gatnaşyklarynyň ösmeginde möhüm rol oýnaýandygyny we Halkara Türk akademiýasynyň ylmy ugurda köp üstünlikli taslamalary amala aşyrandygyny bellän Amreýew, Türk Medeniýet we Miras Gaznasynyň medeniýet pudagyndaky bilelikdäki işlere möhüm goşant goşandygyny aýtdy.

Maslahatda 2020-2021-nji döwri üçin Türk Hyzmatdaşlyk Guramasynyň ýyllyk meýilnamasynyň taýarlanmagyna karar berildi.

Anahtar Kelimeler: TÜRK GEŇEŞINIŇ GURAMALARYNY UTGAŞDYRYJY KOMITETINIŇ MEJLISI, Türk Geňeşi,