Türk geografiýasynda ätiýaçlandyryş pudagynda hyzmatdaşlyk

Türkiýäniň Ätiýaçlandyryş Assosiasiýasy tarapyndan gurnalan sammite, Türki döwletleriñ guramasyna agza Azerbaýjan, Gazagystan, Gyrgyzystan we Özbegistanyñ ätiýaçlandyryş bileleşikleriniñ ýolbaşçylary gatnaşdy.

24 Mayıs 2022 17:33

Türkiýäniň Ätiýaçlandyryş Assosiasiýasy tarapyndan gurnalan Halkara ätiýaçlandyryş sammite gatnaşan taraplar, gol çekilen ähtnama bilen "Sebit ätiýaçlandyryş geňeşini" döretmek ugrunda ilkinji gadamy atdylar.

Ähtnamanyñ gol çekişlik dabarasynda çykyş eden Türkiýäniň Ätiýaçlandyryş Assosiasiýasynyň başlygy Atilla Benli ähtnamanyñ türki dünýäsniñ agzybirligi, asudalygy we we dünýä görelde bolmagy üçin gymmatly gadam bolandygyny aýtdy.

Atilla Benli,” Şugün gol çekilen ähtnama, Türki döwletlerinde ätiýaçlandyryş, gaýtadan ätiýaçlandyryş we pensiýa pudaklarynyň ösmegine goşant goşmak, ätiýaçlandyryş tejribesiniň ösmegine goldaw bermek we tejribe alyş-çalşygy üçin amatly platforma üpjün eder. Tejribelerimizi Azerbaýjan, Gazagystan, Gyrgyzystan we Özbegistanyň ätiýaçlandyryş bileleşikleri bilen paýlaşmaga mümkünçilik berýän bu ähtnama dine bir başlangyç. Mundan beýläk bu hyzmatdaşlygy hasam ösdürmek üçin ähli güýjümizi gaýgyrmarys”-diýdi.

Türkiýe Ätiýaçlandyryş Assosiasiýasynyñ başlygy Atilla Benli, Azerbaýjan Ätiýaçlandyryş Assosiasiýasynyñ başlygy Elmar Mirsalaýew, Gazagystan Ätiýaçlandyryş Assosiasiýasynyñ başlygy Witaliy Werewkin, Gyrgyz Ätiýaçlandyryş jemgyýetçilik guramasynyñ başlygy Sabyrbek Moldokulow Aidarkanowiç we Özbegistan Ätiýaçlandyryş guramasynyñ başlygy Oýbek Halilowyñ gol çeken özara düşünişmek ähtnama, Türki Guramasynyň döwletleri bilen ätiýaçlandyryş pudagyndaky "ilkinji hemmetaraplaýyn hyzmatdaşlyk" ähtnamadyr.