Türki Geñeşine agza ýurtlaryñ daşary işler ministrleriñ nobatdan daşary maslahatyñ jemleýji jarnamasy çap edildi

Türki Geñeşine agza ýurtlaryñ daşary işler ministrleri, çap ettikleri jarnamada Owganystanda parahatçylygyñ üpjün edilmegine goldaw berýändiklerini mälim etdiler.

28 Eylül 2021 11:06

Türkiýäniñ daşary işler ministri Mewlüt Çawuşogly we Azerbaýjanyñ daşary işler minstri Jeýhun Baýramowyñ ýer eýeçiliginde Stambul şäherinde “Owganystan” güntertibi bilen geçirilen Türki Geñeşine agza ýurtlaryñ daşary işler ministrleriñ nobatdan daşary maslahatyna Gazagystanyñ wise-premýeri we daşary işler ministri Muhtar Tleuberdi, Gyrgyzystanyñ daşary işler ministri Ruslan Kazakbaýew, Özbegistanyñ daşary işler ministri Abdulaziz Kamilow, Wengriýanyñ Türkiýe Respublikasyndaky adatdan daşary we doly ygtyýarly ilçisi Wiktor Matis we Türki Geñeşiñ baş sekretary Bagdat Amreýewiñ gatnaşdy.

JEMLEÝJI JARNAMA

Türki Geñeşine agza ýurtlaryñ daşary işler ministrleriñ nobatdan daşary maslahatyndan soñ jemleýji jarnamasy çap edildi.

Jarnamada, Owganystanda baş berýän wakalaryñ üns merkezde saklamaga dowam edilýändigi bellenip Owganystanyň özygtyýarlylygy, garaşsyzlygy we territorial bitewiligi tassyklandy. Tutuş Owgan halkynyñ howpuzlygy we abraýly durmuş hukuklarynyñ bardygy nygtalyp Kabul şäherinde 2021-nji ýylyñ 7-nji sentýabrda yglan edilen wagtlaýyn hökümetiñ ähli owgan raýatlary üçin adam hukuklaryna hormat goýmagyň möhümdigi bellendi.

Jarnamada, Owganystan topraklarynyñ haýsydyr bir terror guramasy tarapyndan başga bir ýurda haýbat atmak ýa-da hüjüm etmek maksady bilen ulanylmajakdygyna kepillendirildi we Owganystanda terror guramalaryna garşy göreşiñ ähmiýeti bellendi.

Jarnamada;

Türki Geñeşi,

1. Halkara jemgyýetçiliginiň Owganystana durnuklylyk we ynsanperwer kömegi ugrundaky tagallalaryny goldaýar,
2. Owgan halkynyñ parahatçylyk, durnuklylyk we ösüş ugrundaky tagallalaryna goldaw berjek ähli başlangyçlara goşant goşmaga taýar,
3. Owganystanda syýasy durnuklulyk, howpsuzlyk we jemgyýetçilik durmuşyñ doly dikeltmegiň ähmiýetine ünsi çekildi.
4. Owganystanda hemmeleri gurşajak wekilçilikli hökümet gurmaga gönükdirilen tagallalary höweslendirýär.
5. Halkara ynsanperwerlik kanunlaryny berjaý etmegiň, adam hukuklaryny goramagyň we ähli owgan halkynyň howpsuzlygyny üpjün etmegiň möhümdigine ünsi çekýär.
6. Halkara ýörelgelerine laýyklykda diplomatik wekilhanalaryň, olaryň işgärleriniň we maşgalalarynyň howpsuzlygynyñ üpjün etmegiň zerurdygyny belleýär.
7. Owganystanda DAIŞ we Al Kaida ýaly terror guramalarynyň hereketleriniñ öňüni almak we olara garşy göreşmek üçin Owganystanda yzygiderli täsirli çäreleri görmegiň zerurdygy belleýär.
8. Owganystanda neşe serişdeleriniň bikanun öndürilmeginiň we bikanun getirilmeginiň öňüni almagyň zerurdygyny belleýär.
9. Owganystana ynsanperwer kömegini bermek we BMG guramalary bilen gumanitar guramalaryñ çalt, ygtybarly we päsgelçiliksiz girmegine rugsat bermek üçin yzygiderli tagalla etmegi çagyrýar,
10.  Halkara jemgyýetçiligi, şugünki gün köp sanda Owgan halkyna gujak açan goñşy döwletlerdäki ýagdaýy ara alan, Owganlaryñ ýurtlaryndan göçürülmegine garşy täsirli çözgüdiñ güýje girizilmegine goşant goşjak durnukly çözgüdi utgaşdyrmaga höweslendirýär.
11.  Owganystanyň ykdysadyýetindäki aladaly ýagdaýy kadalaşdyrmak we owgan halkynyň girdeýji çeşmelerini gorap saklamak üçin dünýä ýurtlaryny halkara goldawa çagyrýar.

Türk Geňeşiniň Daşary işler ministrleri ynsanperwerlik tagallalary, adam hukuklary, migrasiýa we bosgun akymlary we terrorçylyga garşy göreş ýaly dürli ugurlar we Owganystanda baş berýän wakalar meselesi boýunça pikir alyşmak we utgaşykda bolmak kararyny kabul etdiler.