Türkiýäniň daşary işler ministri Özbegistanly kärdeşi bilen duşuşyk geçirdi

Türkiýäniň Daşary işler ministri Mewlüt Çawuşogly Özbegistanyň Daşary işler ministri Abdulaziz Kamilow bilen duşuşyk geçirdi.

09 Mart 2021 14:23

Ýurdyň paýtagty Daşkent şäherinde iki ýurdyň Daşary işler ministrlikleriniň wekiliýetleriniň arasynda geçen gepleşiklerde, Türkiýe bilen Özbegistanyň arasyndaky Ýokary derejeli strategik hyzmatdaşlyk geňeşi ara alynyp maslahatlaşyldy.  

Türkiýäniň Daşary işler ministri Mewlüt Çawuşogly, toparara gepleşiklerden ozal beren beýanatynda, Daşkent şäherine gelmeden ozal saparynyň medeni bölüminde Hywa we Samarkant şäherlerine baryp, Türkiýäniň Samarkant şäherindäki Baş konsullygynyň açylyşyny ýerine ýetirendiklerini ýatladyp, şol saparda özlerini ýalňyz goýmadyk Abdulaziz Kamilowa minnetdarlyk bildirdi. 

Şu gün Bilelikdäki strategik meýilleşdiriş toparynyň maslahatyny geçirjekdiklerini aýdan Mewlüt Çawuşogly: "Ýokary derejeli strategik hyzmatdaşlyk geňeşiniň 2-nji maslahatynyň taýarlyklaryny başladyp, 1-nji maslahatda kabul edilen kararlaryň we gol çeken ylalaşyklarymyzyň durmuşa geçirilişine gözegçilik ederis. Türk Geňeşi, Owganystan we beýleki sebitleýin meseleleri ara alyp maslahatlaşarys" diýip belledi. 

Özbegistanyñ daşary işler ministri Abdulaziz Kamilow öz nobatynda: “ Özbegistan diñe Türkiýe bilen Yokary derejeli strategik hyzmatdaşlyk geñeşi we Bilelikde strategiki meýilleşdiriş toparynynyñ maslahatlaryny geçirdi. Biziň gün tertibimizde köp möhüm meseleler bar, maksadymyz strategiki hyzmatdaşlymyzy täze sepgitlere ýetirmek”- diýdi.

Kamilow, Çawuşoglynyň Prezident Şewket Mirziýoýew tarapyndan kabul ediljekdigini, ondan soň bolsa Wise-premýer, Maýa goýumlar we Daşary söwda ministri Sardor Umurzakow bilen hem duşuşyk geçirjekdigini mälim etdi.