Türkiýäniñ medeniýet we syýahatçylyk ministri Mehmet Nuri Ersoý, TURKSOÝ-da Nowruz gününe bagyşlanyp geçirilen baýramçylyk çärä gatnaşdy

Türkiýäniñ medeniýet we syýahatçylyk ministri Mehmet Nuri Ersoý, TURKSOÝ-uñ baş sekretary Düsen Kaseinow bilen Nowruz oduny ýakdy.

22 Mart 2021 19:05

Türkiýäniñ medeniýet we syýahatçylyk ministri Mehmet Nuri Ersoý baýramçylyk dabarada eden çykyşynda Türk dünýäsini Nowruz baýramy bilen gutlady.

Ministr Ersoý, Nowruz baýramynyñ Türk Dünýäsiniñ umumy gymmatlygy bolandygyny nygtap TURKSOÝ tarapyndan guralýan çäreleriñ we medeni gatnaşyklaryñ ähmiyetini nygtady.

Ministr Ersoý, TURKSOÝ-a ýöredýän işlerinde uly üstünlikler arzuw etdi.

TURKSOÝ-uñ baş sekretary Düsen Kaseinow çarede eden çykyşynda, adamzat taryhy dowamynda ähli halklaryñ bahar paslynyñ gelişini uly joşgun, baýramçylyk bilen belleýändiklerini aýtdy.

Düsen Kaseinow, Türk dünýäsiniñ  eýe bolan umumy medeni gymmatlygy bolan  Nowruz baýramynyñ däp-dessurlaryñ dowam etmegine, dost-doganlyk gatnaşyklaryñ pugtalanmagyna goşant goşýandygyny nygtap Nowruz baýramynyñ asyylly däbini ýaşatmak we bütindünýä tanatmak maksady bilen TURKSOÝ-uñ 1995-nji ýyldan bäri Türkiýe we Türki dilli ýurtlarda Nowruz baýramçylyk çärelerini gurnaýandyklaryny habar berdi.

Düsen Kaseinow, Nowruz baýramynyñ TURKSOÝ-a agza ýurtlaryñ tagallasy bilen 2009-njy ýylda YUNESKO-nyñ maddy däl medeni mirasy sanawyna girizilendigini we 2010-njy ýylyñ 23-nji fewralynda bolsa BMG-nyñ Baş Assambleýasynda 21-nji mart Halkara Nowruz güni diýip yglan edilendigini aýtdy.

TURKSOÝ-uñ baş sekretary Düsen Kaseinow, TURKSOÝ bilen ýöredilýän ýakyn hyzmatdaşlyk üçin Türkiýäniñ medeniýet we syýahatçylyk ministri Mehmet Nuri Ersoýa minnetdarlygyny ýetirip bu hyzmatdaşlyk we arkalyşygyñ gelejekde durmuşa geçiriljek taslamalara uly itergi berjekdigini aýtdy.

Baýramçylyk çärede minist Mehmet Nuri Ersoýa Nowruz semenisi we Abaý medaly gowşuruldy. Nowruz palawy hödür kerem edildi.