Türkmenistanda Kowid-19 ýokanjyna garşy alynyp barylýan çäreler
Türkmenistanda ýokanç keselleriň öňüni almak maksady bilen sosial aralygy üpjün etmek, lukmançylyk maskalaryny geýmek, beýleki şahsy gorag enjamlaryny ulanmak, daşary ýurtlardan gelenleri karantin etmek, şeýle hem gribe garşy sanjymlar dowam edýär.
21 Ocak 2021 12:07
Türkmenistan, Merkezi Aziýada Russiýa tarapyndan döredilen Sputnik V sanjymyny resmi taýdan hasaba alan ilkinji döwlet. Ýurtda ýokanç keselleriň öňüni almak maksady bilen sosial aralygy üpjün etmek, lukmançylyk maskalaryny geýmek, beýleki şahsy gorag enjamlaryny ulanmak, daşary ýurtlardan gelenleri karantin etmek, şeýle hem gribe garşy sanjymlar dowam edýär. Beýleki tarapdan Türkmenistanyň Saglygy goraýyş we lukmançylyk senagaty ministrligi, Russiýa, ABŞ, Germaniýa, Awstriýa, Ýaponiýa we Türkiýe ýaly ýurtlar bilen halkara hyzmatdaşlyk üçin lukmançylyk diplomatiýa işlerini çaltlaşdyrdy. Bu ugurda, Türkmenistan Bütindünýä Saglygy Goraýyş Guramasy we BMG-nyň beýleki ýöriteleşdirilen guramalary bilen aragatnaşyk saklaýar, lukmanlaryň arasynda amaly gatnaşyklary ösdürýär we ýokanç keselleriň öňüni almak barada maglumat alyşýar. Bu çäkde Federal Germaniýa Essen Uniwersitet Hassahanasynyň Ýokanç Keselleri Barlag Merkezi bilen Türkmenistan Derman Senagaty Instituty, Ylymlar Akademiýasy we Türkmen hünärmenleriniň gatnaşmagynda Saglyk we lukmançylyk senagaty ministrliginde iş maslahaty geçirildi. Geçirilen maslahatda Türkmenistandaky häzirki epidemiologiki ýagdaý barada oňyn baha berildi we BSGG-nyň wekilleriniň teklipleriniň ýerine ýetirilişi gözden geçirildi. Ýörite wirusa garşy dermanlary kesgitlemek we ösdürmek boýunça okuwlar hem ara alnyp maslahatlaşyldy. Duşuşykda ýokanç keselleri bejermekde buýan köküniň we glikirriz turşusynyň ulanylmagy ara alyndy. Alymlar tarapyndan geçirilen baha berişde, buýan köküniň dermanlyk aýratynlyklary we onuň işjeň düzümi bolan glikirrhiz kislotasy barada pikir alyşyldy. Gadymy döwürlerden bäri buýan köki ýokarky dem alyş kesellerini bejermekde adamlar tarapyndan ulanylýar. Prezident Gurbanguly Berdimuhamedowyň bu ugurda ýazan 11 tomdan ybarat bolan "Türkmenistanyň dermanlyk ösümlikleri" atly ensiklopedik kitapda ýurtda ösdürilip ýetişdirilýän buýan köküniň we ondan taýýarlanan dermanlaryň koronawirus ýokanjynyň täze görnüşine garşy göreşip biljekdigi bellenýär.