Türkmenistanda "Medeniýet we sungat işgärleriniň hem-de Magtymguly Pyragynyň şygryýet güni"
Türkmenistanda "Medeniýet we sungat işgärleriniň hem-de Magtymguly Pyragynyň şygryýet güni" mynasybetli giň möçberli baýramçylyk dabaralary geçirildi.
28 Haziran 2022 12:52
27-nji iýunda tutuş ýurtda bellenilýän Medeniýet we sungat işgärleriniň hem-de Magtymguly Pyragynyň şygryýet güni mynasybetli giň möçberli baýramçylyk dabaralary geçirildi. Şanly senäniň hormatyna Ahal welaýatynyň Ak bugdaý etrabynyň “Nowruz ýaýlasynda” ýerleşýän “Türkmeniň ak öýi” binasynda geçirilen döredijilik agşamyna hormatly Prezident Serdar Berdimuhamedow gatnaşdy.
Geçirilen giň möçberli döredijilik baýramçylygy şanly wakalara, milli medeniýetiñ köpugurly mümkinçiliklere eýedigini görkezýän pursatlara baý boldy.
Medeniýet hepdeliginiň çäklerinde Türkmenistanda halkyň ruhy dünýäsiniň baýlaşmagyna gönükdirilen dürli görnüşli çäreler ýaýbaňlandyryldy. Döredijilik forumynyň maksatnamasy many-mazmuna baý boldy..
Baýramçylyk äheňinde guralan sahnada köp sanly döredijilik çykyşlary, joşgunly aýdym-sazlary özünde jemleýän konsert köpöwüşginliligi hem-de täsirli pursatlara baýlygy bilen tapawutlandy.
Baýramçylyk konsertine gatnaşyjylar halkyň şöhratly taryhynyň, baý medeniýetiniň, maddy we ruhy mirasynyň hem-de häzirki döwürde Arkadagly Serdaryň baştutanlygynda gazanylýan üstünlikleriň senasyna öwrülen aýdym-sazly çykyşlary uly üns bilen diňlediler.
Konsertiň dowamynda häzirki zaman sungat eserleri, yşky-liriki aýdymlar, milli şahyrana we nusgawy saz eserleri belentden ýaňlandy.
Konsertde hormatly Arkadag Gurbanguly Berdimuhamedowyñ döreden “Leýlisaç barada rowaýat”, “Ak güllerim saňa”, “Ýadymda”, “Bagt nury” diýen aýdymlary tomaşaçylar tarapyndan uly şowhun bilen garşylandy.
Konsert meşhur sazandalaryň, estrada aýdymçylarynyň we tans toparlarynyň täsirli çykyşlary bilen dowam etdi.
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň gutlag sözleri bagşylaryň we sazandalaryň joşgunly owazy bilen utgaşyp, baýramçylyk dabarasynyň şowhunyny has-da belende göterdi.
Medeniýet we sungat işgärleriniň hem-de Magtymguly Pyragynyň şygryýet güni mynasybetli geçirilen döredijilik agşamy milli baýramçylyklara mahsus äheňdäki şüweleň bilen dowam etdi. Häzirki zaman tehnologiýalarynyň netijeli ulanylmagy esasynda dürli yşyklardan älemgoşar öwüşginli şekiller döredi. Bu bolsa dabaranyň şowhunyny has-da belende göterdi.