TURKSOÝ-a agza ýurtlaryñ medeniýet ministrleriniň hemişelik geñeşiniñ 38-nji mejlisi Özbegistanda geçirildi
Türk dünýäsiniň 2020-nji ýyldaky medeni paýtagty bolan Özbegistanyň Hywa şäherinde TURKSOÝ-a agza ýurtlaryñ medeniýet ministrleriniň hemişelik geñeşiniñ 38-nji mejlisi geçirildi.
16 Eylül 2021 21:14
TURKSOÝ-a agza ýurtlaryñ medeniýet ministrleriniň hemişelik geñeşiniñ 38-nji mejlisine Türk Geñeşiñ baş sekretary Bagdat Amreýew, TÜRKPA-nyñ baş sekretary Altynbek Mamaýusupow, Türkiýäniñ medeniýet we syýahatçylyk ministri Mehmet Nuri Ersoý, Özbegistanyñ wise-premýeri, syýahatçylyk we sport ministri Aziz Abdulhakimow, Özbegistanyñ medeniýet ministri Azadbek Nazarbekow, Azerbaýjanyñ medeniýet ministri Anar Karimow, Gyrgyzystanyñ medeniýet, informatika,sport we ýaşlyk syýasaty ministri Kaýrat Imanaliýew, Gazagystanyñ medeniýet, informatika we sport ministriñ orunbasary Nurkisi Dauesew we guramanyñ synçy agzasy Wengriýadan daşary işler we daşary söwda ministri Peter Szijjarto we wideo aragatnaşyk ulgamy arkaly TÜRKSOÝ-uñ baş sekretary Düsen Kaseinow gatnaşdy.
Mejlisde çykyş eden Türkiýäniñ medeniýet we syýahatçylyk ministri Mehmet Nuri Ersoý Özbegistanyñ Hywa şäheriniñ 2020-nji ýyl Türk dünýäsiniñ medeni paýtagty yglan edilmegi mynasybetli açylyş dabaralary we TÜRKSOÝ-a agza ýurtlaryñ medeniýet ministrleriniň hemişelik geñeşiniñ 38-nji mejlisiniñ geçirilmegi meýilleşdirilendigi ýöne koronawirus epidemiýasy sebäpli meýilleşdirilen maslahat we çäreleriñ 2021-nji ýyla yza süýşürülendigini nygtap Özbegistanyñ asyrlaryñ dowamynda Türk-Yslam medeniýetiñ merkezi bolan Hywa ýaly gadymy şäherde duşuşmakdan örän hoşal bolandygyny aýtdy.
Ministr Ersoý, 1990-njy ýylda ÝUNESKO-nyñ Bütindünýä miras sanawyna girizilen Içan gala ýaly taryhy we medeni gurluşygy bilen adamlary özüne bendi edýän bu gadymy şäher çöliñ içinde güýä açyk muzeý bolup bize gujak açdy. Beýik ýüpek ýolunyñ esasy şäherlerinden biri bolan we taryhy gymmatyny gorap saklan Hywa şäheri medeni gymmatlyklary nädip gorap saklamagy orta goýan bir paýtagt boldy”-diýdi.
2021-nji ýylyñ Ýunus Emräniñ aradan çykmagynyñ 700 ýyllygy mynasybetli ÝUNESKO tarapyndan hatyralama ýyly yglan edilendigini ýatladan ministr Ersoý 2021-nji ýylyñ Prezident Rejep Taýyp Erdogan tarapyndan 2021-nji ýyl “Ýunus Emre we Türk dili” ýyly yglan edilendigini we bu çäkde “ Dünýä dili Türkçe” adynda ýurtda we daşary ýurtlarda ministirligimiz bilen utgaşykda tapawutly gurama we edaralar bilen çäreler gurnamaga dowam edýändiklerini aýtdy.
Mejlisde çykyş eden Özbegistanyñ wise-premýeri, syýahatçylyk we sport ministri Aziz Abdulhakimow, prezident Şawkat Mirziýoýewiñ Hywa şäherinde bu maslahatyñ ýokary derejede gurnalmagyna uly ähmiyet berendigini we TÜRKSOÝ-a agza ýurtlaryñ medeniýet ministrlerini Hywa şäherinde myhman etmekden hoşaldyklaryny aýtdy.
Abduhakimow, TURKSOÝ-nyň türki döwletleriniň arasyndaky doganlyk gatnaşyklaryny pugtalandyrmak we türk medeniýetini bütindünýä tanatmak ugrundaky tagallalaryna ýokary baha berýändiklerini belläp TURKSOÝ-yň dürli çäreleriniň agza ýurtlaryň sungat işgärleri we alymlaryň arasyndaky hyzmatdaşlygy ösdürmek üçin uly mümkinçilikler döredýändigini aýtdy.
Abdulhakimow, “Özbegistanyň TURKSOÝ-a doly agzalygy baradaky kanunyñ tamamlanmagy boýunça oňyn kararyň ýakyn wagtda kabul edilmegine garaşylýar. -diýdi.
Mejlisde çykyş eden Azerbaýjanyñ medeniýet ministri Anar Karimow hem Azerbaýjanyñ Şuşa şäheriniñ 2023-nji ýyl Türk dünýäsiniñ medeni paýtagty bolmagy üçin dalaşgär görkeziljekdigini habar berdi.
Mejlise gatnaşan Bursa şäheriñ häkimi Alinur Aktaş 2022-nji ýylda Türk dünýäsiniñ medeni paýtagty bolup saýlanan Bursa şäherini tanatdy.
Şäher häkimi Alinur Aktaş, Osman döwletiniñ birinji paýtagty bolan Bursa şäheri Türkiýäniñ ilat sany taýdan 4-nji we eksport taýdan bolsa ýurduñ 3-nji uly şäheri bolandygyny aýtdy. Aktaş soltanlaryñ şäheri bolan Bursada köp sanda Osman patyşalarynyñ kümmeti bolandygyny we şäheriñ Osman soltanlarynyñ eden eserleri bilen bezelendigini aýtdy.
Mejlisden soñ TÜRKSOÝ-a agza ýurtlaryñ medeniýet ministrleri kabul edilen kararlara gol çekdiler.
TÜRKSOÝ-uñ döwürleýin başlyklygy Özbegistandan Türkiýä geçdi we Özbegistanyñ medeniýet ministri Nazarbekow Türkiýäniñ medeniýet we syýahatçylyk ministri Ersoýa TÜRKSOÝ-uñ nyşanyny gowşurdy.
Hywa şäher häkimi Timur Dawletow bolsa “Türk dünýäsi medeni paýtagty” nyşanyny Bursa şäher häkimi Alinur Aktaşa gowşurdy.
Maslahatyñ çäginde medeniýet we syýahatçylyk ministri Mehmet Nuri Ersoý, Özbegistanyñ wise-premýeri, syýahat we sport ministri Aziz Abdulhakimow bilen duşuşdy.