Ukrainanyñ, Russiýanyñ guraýan hüjümlerine garşy goýmagynyñ 5-nji güni

Şugünki güne çenli Russiýanyñ Ukraina guran hüjümlerinde aralarynda 16 çaganyñ bolmagynda ýüzlerçe Ukrainaly ýogaldy.

28 Şubat 2022 13:59

2022-nji ýylyñ 24-nji ferwalynda sagat 05:50-de Russiýa Federasiýasynyñ prezidenti Wladimir Putin : “ Ukranany basyp alma niýetimiz ýok”-diýip Rus goşunyna  Ukraina garşy harby operasiýa başlatma buýrugy berdi we Ukraina garşy harby operasiýa başlady.

Ukrainanyñ paýtagty Kiýewiñ başda durmagynda ýurduñ çar künjeginden bomba sesleri eşidilmäge başlady. Kiýewiñ ýaşaýjylarynyñ bir bölegi şäherden başga ýerlere göçdi.

Ukrainada söweş ýagdaýy yglan edildi. Ukrainanyñ prezidenti Wladimir Zelenskiý,” halka öýde galyñ çagyryşy berip ýurtda söweş ýagdaýy yglan edilendigini mälim etdi.

Kiýewde kamendant sagady yglan edildi.

Ukrainanyñ goranmak ministrligi eli ýarag tutýan raýatlary goşuna çagyrdy.

25-nji fewralda Ukrainanyñ prezidenti Zelenskiý Rus sabotaž toparlarynyñ Kiýewe girendigini mälim etdi. Ukrainanyñ halky we goşuny Rus esgerlerine garşy söweşmäge dowam etdi.

Ukrainanyñ daşary işler ministri Kuleba, Russiýanyñ bombaly hüjüm bilen Kiýewi nyşana alandygyny mälim etdi.

Ukrainanyñ goşuny, Kiýewdaky halka Russiýanyñ hüjümlerine garşylyk görkezmegi üçin ýaraglar paýlamaga başlady.

Prezident Zelenskiý, Russiýanyñ prezidenti Wladimir Putine ýüzlenip, “ Ukrainanyñ her ýerinde çaknyşyklar dowam edýär. Ölümleri durdurmak üçin gepleşik stoluñ başyna oturalyñ”-diýdi.

26-njy fewralda Russiýanyñ goşuny Kiýewdaky elektrik stansiýasyna hüjüm gurady. Ukrain we Rus goşuny arasynda güýçli çaknyşyk baş berdi.

Ukrainanyñ goranmak ministrligi, Rus harby goşunyñ Kiýewdaky harby baza hüjüm gurandygyny ýöne hüjümiñ yzyna serpikdirilendigi mälim etdi.

Türkiýe, Ukrainadan raýatlaryny ýurda getirmäge başlady. Türkiýäniñ Ukrainadaky Ilçihanasy, raýatlaryñ 2 awtobus bilen Türkiýä ugradylandygyny mälim etdi.

26-njy fewralda Ukraina tarapyndan berilen beýannamada Ukrainanyñ hökümetiniñ od atyşygyñ bes edilmegi ylalaşygyny kabul etmäge we parahatçylygy goramaga taýar bolandygy mälim edildi.

Kiýewde 28-nji fewrala çenli sagat 17:00- dan irden sagat 08-00 çenli kamendant sagady güýje girizildi we bu sagatlarda daşaryk çykanlaryñ duşman kabul ediljekdigi mälim edildi.

Ukrainanyñ içeri işler ministrligi, Kiýewde meýletinlere 25 müñden aşa ýarag we 10 million ok-däri berilendigini mälim etdi.

27-nji fewralda paýtagt Kiýewiñ gözegçiliginiñ doly Ukrainanyñ goşunynda bolandygy mälim edildi.

Russiýanyň prezidenti Wladimir Putin Goranmak ministrligine rus goşunynyň ýörite toparyny söweş ýagdaýa geçirilmeginiñ görkezmesini berdi.

Ukrainanyñ prezidenti Zelenskiý, Ukrain we Rus wekiliýetiñ şertsiz gepleşik geçirjekdigini mälim etdi. Iki ýurduñ wekiliýeti Belarus-Ukraina serhedinde gepleşik geçirer.

Ukrainanyň Goranmak ministriniň orunbasary Anna Malýar hem Facebook hasabyndan beren beýannamasynda, Russiýanyň harby güýçleriniň soňky 4 gündäki ýitgileri barada maglumat berdi. 

Russiýanyň harby güýçleriniň 5 müň 300 töwerek esger ýitirendigini aýdan Malýar, Ukrainanyň goşunynyň Russiýa degişli 29 uçary, 29 dikuçary, 191 taňky, 816 sowutly ulagy, 74 topy we 2 gämini ýok edendigini beýan etdi. 

Malýar rus güýçleriniň mundan başgada 1 BUK zenit ýaragyny, 21 Grad raketa ulgamyny, 291 ulagyny, 60 ýangyç ulagyny, 5 howa goranyş ulgamyny we 3 uçarmansyz howa ulagyny ýitirendigini, şol görkezijilere dowam edýän çaknyşyklardan gelip gowuşýan maglumatlaryň goşulmandygyny habar berdi. 

Ukrainanyň goşuny hem ýurdyň paýtagty Kiýew şäheriniň golaýyndaky Irpin şäherini basyp almaga synanyşan Russiýanyň harby güýçleriniň yzyna serpikdirilendigini mälim etdi. 

Ukrainanyň Baş ştabyndan berilen beýanatda, Russiýanyň harby birikmeleriniň howa we gury ýer hüjümleriniň dowam edýändigi mälim edildi. 

Russiýanyň harby güýçleriniň hüjümlerinde harby we raýat howa menzillerini, ştab merkezlerini, howa goranyş ulgamlarynyň desgalaryny, möhüm tankydy infatsruktura desgalaryny, ýaşaýyş ýerlerini nyşana almaga dowam edýändigi bellenen beýanatda, ruslaryň Irpin şäherini basyp almak üçin eden hüjümleriniň netijesiz bolandygyna ünsler çekilip: "Ukrainanyň harby güýçleri duşmanyň täze harby tehnikalaryny ýok etdi. Ähli ugurlarda Ukrainanyň Ýaragly güýçleriniň taňklary we mehanizirlenen birikmeleri, artileriýasy bilen kesgitlenen liniýalaryň goranyşyny öz gözegçiliginde saklaýar. Ukrainanyň Harby-howa güýçleri duşmanyň howa hüjümlerini yzyna serpikdirýär" diýip habar berildi. 

Mundan başgada beýanatda 3-15 aralygyndaky adamlardan ybarat Ukrainanyň harby egin eşigini geýen rus sabotaž toparlaryna garşy ulgamlaýyn häsýetde göreşiň alynyp barylýandygy aýan edildi. 

Beýleki tarapdan bolsa Russiýanyň harby güýçleri Azow deňiziniň kenarynda ýerleşýän Berdýansk şäherindäki ähli döwlet edaralarynyň binalarynyň gözegçiligini ele geçirdi. 

Russiýanyň Goranmak ministrligi bolsa Ukrainanyň howa giňişliginiň dolulygyna Russiýanyň gözegçiligi astyndadygyny aýan etdi. 

Ministrlik tarapyndan berilen beýanatda rus esgerleriň Zaparožýa atom desgasynyň töweregindäki sebitlerde gözegçiligi üpjün edendigi, desganyň işlemäge dowam edýändigi we radioaktiw görkezijileriň kadalydygy mälim edildi. 

Hüjümiň başlan gününden bäri Ukraina degişli 1 müň 114 harby desganyň ýok edilendigi bellenen beýanatda, Ukrainanyň howa giňişliginiň dolulygyna Russiýanyň gözegçiligindedigi habar berildi. 

Beýanatda Berdýansk we Energodar şäherleriniň hem Russiýanyň goşunynyň gözegçiligindedigi beýan edildi.