03 Mart 2021 22:09
Türkiýede daşary ýurtlardaky türkler we garyndaş halklar edarasy tarapyndan berilen beýannamada; bu bäsleşigiñ daşary ýurtlarda ýaşaýan raýatlaryň Türk dilindäki başarnyklaryny we aňlatma ukyplaryny ýokarlandyrmak we durmuşynyň ähli ugurlarynda netijeli ulanmalary üçin guralýan tapawutly taslamalaryň çäginde geçirilýändigi bellendi.
Beýannamada, her ýyl gurnalýan “ YTB Türkçe Baýraklary” bäsleşigiñ Prezident Rejep Taýyp Erdoganyñ Türk dili we medeniýetiniñ beýik şahsyýeti bolan Ýunus Emräniñ wepatynyñ 700 ýyllygy mynasybetli 2021-nji ýyly “ Ýunus Emre we Türkçe ýyly” diýip yglan etmegi mynasybetli şu ýyl “ Ýunus Emre we Türkçe Baýraklary” ady bilen gurnaljakdygy mälim edildi.
Beýannamada, bäsleşigiň hekaýa, poeziýa, düzme we kitap goldawy ýaly 4 tapawutly kategoriýada gurnaljakdygy we her kategoriýa üçin ýörite emin agzaly komitetiniň dörediljekdigi bellendi.
Baýraklar:
Gysga hekaýa, poeziýa we düzme kategoriýasynda;
1-nji orna mynasyp bolana 20 müň lira,
2-nji orna mynasyp bolana 15 müň lira,
3-nji orna mynasyp bolana 10 müň lira pul we saýlanan bir esere 10 müñ lira “Ýunus Emre Baýragy” gowşurular.
Kitap goldaw kategoriýasynda bolsa ilkinji 5 eseriň eýelerine awtorlyk hukugy we çaphana goldawy hökmünde 20 müň lira pul baýragy gowşurular,
Bäsleşigiñ ähli kategoriýasynda ilkinji 10-a girenlere YTB Türk Edebiýaty Kitap Toplumy we YTB Awtorlyk akademiýasy programma mugut gatnaşma mümkinçiligi beriler.
-Arzalar 30-njy iýuna çenli kabul ediler. Soñky gün 2021-nji ýylyñ 30-njy iýun
Bäsleşige gatnaşmak isleýänler eserlerini talap edilýän resminamalar bilen turkceodulleri@ytb.gov.tr elektron poçta salgysyna ugratmaly.