27 Şubat 2021 22:15
Ýokary arhitektor Mehmet Emin Ýylmaz Osman Imperiýasynyñ häkimiýeti astynda bolan 19 sany ýurtdaky Türk mimarlyk eserlerini “ Ybadathana öwrülen Türk Eserleri” atly kitabynda jemledi. Ýylmaz kitabynda Azerbaýjan, Bosniýa- Gersogowina, Bolgariýa, Ermenistan, Günorta Kipr, Gruziýa, Horwatiýa, Çernogoriýa, Krym, Kosowa, Wengriýa, Makedoniýa, Moldowa, Rumyniýa, Serbiýa, Ukraina, Gresiýa we Türkiýedäki bir ybadathana öwrülen taryhy binalar barasynda maglumat orun alýar.
Ýylmaz, eden barlaglarynyñ netijesinde Krymda 7 sany Türk-Yslam metjidiñ ybadathana öwrülendigini aýtdy. Metjidler barasynda maglumat beren Ýylmaz,” Krymda ybadathana öwrülen metjidleriñ yzyna alynmagy üçin göreşen Krym tatarlaryñ tagallasy bilen 2 metjid yzyna alyndy. Yzyna alynmadyk metjitlerden biri ybadathana hökmünde ulanylmaga dowam edýär, ybadathana öwrülen galan metjitler bolsa wagtyñ geçmegi bilen ýykylyp haraba öwrüldi.”-diýdi.
Krymyñ Kefe şäherinde 1623-nji ýylda gurulan Müftü Metjidiniñ Krymyñ Russiýa tarapyndan basyp alynmagyndan soñ 1787-1931-nji ýyllar aralygynda Ermeni Katolik Ybadathanasyna öwrüldi. Ybadathana hökmünde ulanylan metjid soñ bolsa mynaralary ýykylyp jañ diñi bolup ulanyldy. 1995-nji ýylda sürgünden watanlaryna gaýdyp gelen Krym Tatarlaryna yzyna gaýtarylyp ýañadandan metjid bolup ybadata açyldy.
Kefe şäherinde 1665-nji ýylda gurulan Seýýid Musa Ependi Türbedi hem, Müftü Metjidi bilen 1787-nji ýylda Ermeni Katolik Ybadathanasynyñ bir binasy hökmünde ulanyldy. Wagtyñ geçmegi bilen türbed ýakyldy we haraba öwrüldi.
Gözlewe şäherinde 18-nji asyrda gurulan Jemaleddin Ependi Metjidi, Sowýet Soýuzyñ hökümeti tarapyndan 1928-nji ýylda ybadata ýapyldy.şäherdäki wandalizm dowamynda mynarasy ýykylan metjid 1947-nji ýylda kreýine berildi
Ýylmaz, Sowýet Soýuzyñ dargamagyndan soñ watanlaryna gaýdyp gelýän Krym tatarlaryñ göreşi bilen köp sanda taryhy eserleriñ metjide öwrülýändigini aýtdy.
1703-nji ýylda gurulan Gala Metjidi ilki ybadathana öwrülendi soñ bolsa ýykylyp ýerine 1799-njy ýylda “Merýem Enäniñ Dirilmegi” atly ybadathana guruldy. II Jahan urşunda uly zarwa alan ybadathana zamanamyza gelip ýetmedi.
Sudandaky Gala Metjidi bolsa 3 gezek ybadathana öwrüldi. 13-nji asyrda Sary Saltuk bilen Kryma gelen Selçuk Türkleri tarapyndan gurulan iñ gadymy Türk- Yslam eserlerinden biridir.
16-17-nji asyrda Bahçesaraýa bagly Ýeni Sala obasyndaky Juma metjidi, 1928-nji ýylda Sowýet Soýuzy tarapyndan ambar hökmünde ulanyldy, Sowýet Soýuzyñ dargamagyndan soñ metjid Prawoslaw hristianlara berildi.