“Beýik ýüpek ýoly we Türk Dünýäsi” atly halkara ylmy maslahat geçirildi
“Beýik ýüpek ýoly we Türk Dünýäsi” atly halkara ylmy maslahat we “Azerbaýjan, ýüpek ýolunyñ ugrynda” kitabyñ tanyşdyrylyş dabarasy, Halkara Türk Medeniýet we Miras Gaznasy tarapyndan paýtagt Bakuwda geçirildi.
28 Mayıs 2021 21:49
Dabarada Halkara Türk Medeniýeti we Miras Gaznasynyñ başlygy Günaý Efendiýewa Türk dünýäsiniñ medeniýet we mirasyny gorap saklamak üçin alynyp barylýan taslamalar barasynda maglumat berdi.
Miras Gaznasy tarapyndan Beýik ýüpek ýoluna uly ähmiýet berilýändigini nygtan Günaý Efendiýewa 2017-nji ýýlda gurama tarapyndan gurnalan IV Bütindünýä Medeniýetara gepleşik forumy çäginde “ Sungat we medeniýetleriñ çatrygynda Türk Dünýäsi”, 2019-njy ýylda V Bütindünýä Medeniýetara gepleşik forumy çäginde Türk Geñeşi, TÜRKPA, TÜRKSOÝ, ÝUNESKO, IRSICA ýaly halkara guramalaryñ ýolbaşçylary we wekilleriniñ, ilçileriñ, bilim adamlaryñ we turkologlaryñ gatnaşmagynda “Beýik ýüpek ýolunyñ Türki dilli ýurtlar arasyndaky dialogyñ gurluşugyndaky roly” atly togalak stol geçirilendigini aýtdy.
Günaý Efendiýewa: “ Beýik ýüpek ýoly we Türk Dünýäsi” atly halkara ylmy maslahatyñ 28-nji maýda Azerbaýjan Respublikasynyñ 103-nji ýyllygy baýramynda we Azerbaýjanyñ basyp alyşlyk astyndaky topraklaryny azat etmegi mynasybetli geçen ýyllar bilen deñeşdirilende has buýsançly geçýändigini aýtdy.
Günaý Efendiýewa, Beýik ýüpek ýolunyñ esasy çatryklaryndan biriniñ Azerbaýjanyñ basyp alyşlykdan azat edilen taryhy Jebraýyl sebitiniñ bolandygyny belläp muña mysal hökmünde Hudaferin köprülerini görkezdi.
Efendiýewa, Ermenistanyñ basyp alyşlygy döwründe ýüpek ýolunyñ geçýän sebitlerde asyrlardan bäri bar bolan binagärlik ýadygärlikler, kerwansaraýlar, metjid we medreseleri weýran edendigini gürrüñ berdi. Azerbaýjanyñ şöhratly ýenişi bilen taryhy sungat eserleriñ we beýik ýüpek ýolunyñ ýañadan gysga wagtda ýañadan dikeldilmegi bilen sebite parahatçylyk we abadançylyk getirjekdigini aýtdy.
“Azerbaýjan, beýik ýüpek ýolunyñ ugrynda” kitabyñ tanyşdyrylyş dabarasynyñ Halkara Türk Medeniýeti we Miras Gaznasy tarapyndan ýöredilýän “ Türki dilli ýurtlar Beýik ýüpek ýolunyñ ugrunda” atly uly halkara taslamanyñ bir bölegi bolandygyny bellän Efendiýewa bu taslamanyñ Gazna agza bolan we synçy ýurtlarda hem durmuşa geçirilmegi meýilleşdirilýändigini aýtdy.
Türkiýe Respublikasynyñ Azerbaýjandaky adatdan daşary we doly ygtyýarly ilçisi Dossent. Dr. Jahit Bagjy eden çykyşynda medeniýeti, sungaty, taryhda baş beren wakalary zamanamyza ýetirýän kitabyñ neşir edilmegine goşant goşanlara sag bolsun aýtdy.
Taslamanyñ ähmiyetini nygtan Bagjy, kitabyñ köp ylmy maslahatlarda ara alynjakdygy belläp “ diñe Azerbaýjan, Türkiýe, Gazagystan, Gyrgyzystan, Özbegistan we Täjigystanda däl eýsem beýik ýüpek ýoluñ ähmiýeti barasynda köp ýurtlarda simpozýum, ylmy barlaglar we maslahatlar geçiriler”-diýdi.
Ilçi Bagjy, Garabag ýeñişiñ Türk dünýäsinde uly buýsanç ýaşadandygyny aýtdy.