Gazak halkynyñ zergärçilik sungaty

Gazak halkynyň zergärçilik sungaty diňe hünär bolmak bilen çäklenmän, eýsem, durmuş zerurlygydyr, onuň öz pelsepesi we dünýägaraýşy, çeperçilik hem-de ynsanperwerlik ýörelgeleri bardyr.

25 Haziran 2021 20:41

Zergärçilik sungatynda aýal-gyzlaryň şaý-sepleri esasy orny eýeleýär. Zergärçilik sungaty, özüniň gözbaşyny örän gadymy döwürlerden alyp gaýdýar. Ussat senetçileriň, zergärleriñ sünnäläp ýasan ajaýyp eserleri, senedi nesilden-nesle geçirilýär.

Gazagystanyň senetçileri zergärçilik sungatynda gymmat bahaly metal önümleri ( altyn, kümüş) ulanýarlar. Ussat senetçileriñ sünnäläp ýasan ajaýyp eserleriniň içinde gyz-gelinleriň dakynýan şaý-sepleri dürli-dürliligi bilen tapawutlanýar.

 Zergärleriñ önümleriniň diapazony gaty giň. Şaý-sepler, tabak-çanak önümleri, mebel, saz gurallary, ýaraglar we at bezegleriniň nusgalary ýasalýar.

Zergärler, metallaryñ gözelligini nädip çykarmalydygyny gaty gowy bilýär. Metallar gymmatly we ýarym gymmat bahaly daşlar bilen (ýakut, zümrüd, göwher, agat, hrizopraza, gyzyl agat, merjen) bezelýär.

Soñky döwürde zenanlaryň görküne görk goşýan kümüş şaý-sepler gündelik durmuşda köp dakynmaga başlandy.