Türk-Yslam taryhynyñ Krymdaky yzlary: Özbek Han Metjidi

Özbek Han metjidi, zamanamyza gelip ýeten Altyn Orda döwletiniñ iñ esasy eserlerinden biridir.

18 Mayıs 2021 22:58

Metjidiň täç gapysyndaky ýazgyda binanyň 1314-1315-nji ýyllarda gurlandygy ýazylýar. Krymyñ 1783-nji ýylda Russiýanyñ häkimiýeti astyna girmeginden soñ Özbek Han metjidi köp ýyllap öz ykbalyna taşlandy, weýran edildi.

1864-nji ýylda Sudagyň Koz obasyna haýyr-sahawat edenleriň biri metjidi abatlady.

Metjid, Sowýet Soýuzy döwründe bolsa, taryhy eser hökmünde tassyklandy. 1932-nji ýylda ybadata ýapyldy we taryhy ýazgylaryň saklanýan ýere öwrüldi.

1944-nji ýylda bolsa  Krym tatarlary watanyndan sürgün edilenden soň, ammara öwrüldi. 1970-nji we 1980-nji ýyllarda abatlanan metjit 1990-njy ýyllaryň başynda watanyna gaýdyp gelen Krym tatarlary tarapyndan yzyna alynyp çäkli mümkünçilikler bilen ýañadan ybadata açyldy.

Özbek Han metjidi Altyn Orda döwletinden miras galan we ybadat üçin ulanylýan ýeke-täk metjitdir.

2014-nji ýylyň 10-njy oktýabrynda Ukrainanyň Milli banky " Özbek Han metjidi we Medrese 700 ýaşynda" adynda ýadygärlik teňňeleri çykardy.