Türki dilli döwletleriñ Garasyzlyklarynyñ 30 ýyllygyna bagyşlanyp Ankara şäherinde konsert guraldy
Türki dilli döwletleriñ Garaşsyzlyklarynyñ 30 ýyllygyna bagyşlanyp TÜRKSOÝ tarapyndan konsert gurnaldy.
25 Haziran 2021 10:52
TÜRKSOÝ tarapyndan berilen ýazmaça beýannamada, TÜRKSOÝ, Türkiýe Respublikasynyñ Medeniýet we Syýahatçylyk Ministirligi we türki dilli döwletleriñ medeniýet ministirlikleriniñ hyzmatdaşlygynda Azerbaýjan, Gazagystan, Gyrgyzystan, Özbegistan we Türkmenistanyñ şanly Garaşsyzlyklarynyñ 30 ýyllygyna bagyşlanyp “ Türk Dünýäsi Halk Aýdymlary”adynda konsert we surat-sergisi gurnaldy.
TÜRKSOÝ-uñ baş sekretary Düsen Kaseinow, Türkiýe Respublikasynyñ Medeniýet we Syýahatçylyk ministriñ orunbasary Özgül Özkan Ýawuzyñ ýer eýeçiliginde Prezidentiñ simfoniki orkestriniň konsert zalynda geçirilen konserte Gazagystanyñ Türkiýedäki adatdan daşary we doly ygtyýarly ilçisi Abzal Saparbekuli, Gyrgyz Respublikasynyñ Türkiýedäki adatdan daşary we doly ygtyýarly ilçisi Kubanyçbek Ömüraliýew, Özbegistanyñ Türkiýedäki adatdan daşary we doly ygtyýarly ilçisi Alişer Agzamhojaýew we köp sanda myhman gatnaşdy.
Konsertiñ açylyşynda çykyş eden Düsen Kaseinow, Türki dilli döwletleriñ garaşsyzlyklaryny yglan edeninden soñ döredilen TÜRKSOÝ-uñ ilkinji gününden bäri agza ýurtlaryñ arasyndaky gatnaşyklaryñ ösmegi üçin medeniýet, sungat we bilim pudaklarynda uly goşant goşandygyny aýtdy.
Türkiýäniñ bu konsertiñ Türk dünýäsiniñ bütin reñklerini bir ýerde jemlenmegine goşant goşandygyny nygtan Kaseinow,” Garaşsyzlygymyzy ilkinji bolup ykrar eden Türkiýe döwleti boldy. Sebitde eýe bolan güýji we tejribeleri bilen hemişse ýanymyzda boldy”-diýdi.
Türkiýe Respublikasynyñ Medeniýet we Syýahatçylyk ministriñ orunbasary Özgül Özkan Ýawuz eden çykyşynda Türki dilli döwletleriñ garaşsyzlyklarynyñ 30 ýyllygyny konsert bilen gutlamakdan uly begenç duýýandygyny aýtdy.
Konsertde Azerbaýjandan Agawerdi Paşaýew, Gazagystandan Abylaý Tilepbergen, Gyrgyzystandan Irına Suerkulowa, Rysbek Jumakunow, Özbegistandan Firuza Abdurahimowa, Türkmenistandan Guwançmuhammed Saparaliýew we Türkiýeden Jem Gürdalyñ ýolbaşçylygyndaky orkestrler ajaýyp eserleri ýerine ýetirdiler, konsertde Lala Ibrahimowa, Aşyk Beýbit Musaýew, Janar Turatowa, Elmira Tadjiýewa we Ferýal Başsel Tüzün halk aýdymlary ýerine ýetirdiler.
Konsertden soñ myhmanlar surat-sergisini aýlanyp Türk dünýäsi suratkeşleriñ medeniýet, sungat, däp-dessurlar, durmuş, sport, tebigat we beýleki ugurlarda çeken suratlary bilen gyzyklandylar.