O‘zbekistonda Navro‘z bayrami munosabati bilan 75 mahbus afv etildi

O‘zbekistonda Prezident Sh. Mirziyoyevning Navro‘z bayrami munosabati bilan imzolagan farmoni asosida 75 nafar mahkum afv etildi.

22 Mart 2022 13:03

Oʻzbekiston prezidenti matbuot xizmati xabariga koʻra, Mirziyoyev “Qilmishiga pushaymon boʻlgan va tuzalish yoʻlida turgan mahkumlarni Navroʻz bayrami munosabati bilan afv etish toʻgʻrisida”gi farmonni imzolagan.

Farmonga ko‘ra, 75 nafar mahkum foydalaniladigan amnistiya akti doirasida 57 nafar mahkum ozodlikka chiqariladi, 18 nafar mahkumning esa jazo muddati qisqartiriladi.

Afv etilgan mahkumlar orasida 9 nafar noqonuniy tashkilotlar aʼzosi, 15 nafar 60 yoshdan oshganlar, 17 nafari ayol, 18 nafar xorij fuqarolari bor.

Farmonga ko‘ra, tegishli vazirlik va davlat muassasalariga ozod etilgan mahkumlarni jamiyatga moslashtirish vazifasi yuklatildi.

O‘tgan yili ham Navro‘z bayrami munosabati bilan 140 nafar mahkum afv etilgan edi.

O‘zbekistonda qator milliy va diniy bayramlar munosabati bilan “qilmishiga pushaymon bo‘lgan va tuzalish yo‘lida turgan” mahkumlarga nisbatan amnistiya e’lon qilinadi.