Qirg'izistonda Otaturkni Xotirlash, Yoshlar va Sport bayrami nishonlandi

19 may kuni Qirg'iziston poytaxti Bishkekda Otaturkni Xotirlash, Yoshlar va Sport bayramiga bag'ishlangan tadbir o'tkazildi

20 Mayıs 2021 08:33

19 may kuni Qirg'iziston poytaxti Bishkek shahridagi "Anado’lu" qirg'iz-turk kasb-hunar maktabida Otaturkni Xotirlash, Yoshlar va Sport bayramiga bag'ishlangan tadbir bo'lib o'tdi.

Tadbir Qirg'iziston va Turkiyaning davlat madhiyalari ijrosi bilan boshlandi. O'quvchilar xalq qo'shiqlari va raqslarini ijro etishdi.

Shuningdek, an'anaviy liboslar ko'rgazmasi ham bo'lib o'tdi.

Turkiya Respublikasining Qirg'izistondagi elchisi Ahmet Sodiq Dog'an ishtirokchilarni bayram bilan tabrikladi va Otaturk boshchiligidagi Milliy ozodlik kurashi qahramonlari xotirasi hech qachon unutilmasligini ta'kidladi.

“Turkiyaning kelajagi abadiydir. Turk xalqi istiqlol bilan mangu yashaydi ”, - dedi u.

Turkiyaning Qirg'izistondagi elchixonasi ta'lim bo'yicha maslahatchisi Harun Karji milliy ozodlik kurashining boshlanishi haqida qisqacha  so’zlab berdi.

U bu yil Otaturkni yod etish Yoshlik va Sport kunining 102 yilligi nishonlanganligini aytib o’tdi.

Shimoliy Kipr Turk Respublikasining Qirg'izistondagi vakili Atinch Keskin ham turk xalqini bayram bilan tabrik etdi.