Shanxay Hamkorlik Tashkiloti turizm vazirlari O'zbekistonda yig'ilish o'tkazdi

Tashkiloti turizm vazirlari O'zbekiston poytaxti Toshkentda yig'ilish o'tkazdi

20 Mayıs 2022 10:16

Yig‘ilishda O‘zbekiston Respublikasi Bosh vaziri o‘rinbosari, Turizm va madaniy meros vaziri Aziz Abduhakimov, Qozog‘iston Madaniyat va sport vaziri Dauren Abayev, Qirg‘iziston Respublikasi Madaniyat, axborot, sport va yoshlar siyosati vaziri Azamat Jamankulov, Rossiya Federal turizm agentligi  rahbari Zarina Do'g'uzova, Pokiston mintaqalararo muvofiqlashtirish vaziri Ehsanur Rahmon Mozori, Tojikiston turizmni rivojlantirish qo'mitasi raisi Tajiddin Jurazade, Hindiston turizm vaziri o'rinbosari Rakesh Kumar Verma ishtirok etdi.

Yig‘ilishning ochilishida so‘zga chiqqan A. Abduhakimov so‘nggi yillarda hukumat tomonidan mamlakatimizda turizmni rivojlantirish borasida amalga oshirilgan muhim qadamlar natijasida O‘zbekiston viza talab qilmaydigan  mamlakatlar soni 92 taga yetganini ta’kidladi.

Mamlakatga kelayotgan xorijlik sayyohlar soni 6,7 million nafarga yetdi va hukumat 1 iyulda turizm sohasini qo‘llab-quvvatlash to‘g‘risida qaror qabul qildi.U ushbu sohada faoliyat yuritayotgan kompaniyalarga qator soliq va bojxona imtiyozlari berilishini ta’kidladi.

Abduhakimov, shuningdek, 2019-yilda ShHT davlatlaridan 250 millionga yaqin sayyoh dam olish uchun xorijga ketgani, bu borada tashkilotga a’zo mamlakatlarning sa’y-harakatlarini birlashtirish va ShHTni ichki turizmni rivojlantirishga yo‘naltirish zarurligini ta’kidladi

Yig‘ilishda onlayn ishtirok etgan ShHT Bosh kotibi Jang Ming ham tashkilot doirasida turizm sohasida hamkorlikni maksimal darajaga ko‘tarishni maqsad qilganliklarini, buning uchun barcha zarur shart-sharoit va imkoniyatlar mavjudligini ta’kidladi.

Uchrashuv yakunida vazirlar “Shanxay hamkorlik tashkilotiga aʼzo davlatlar hukumatlari oʻrtasida turizm sohasida hamkorlikni rivojlantirish toʻgʻrisida”gi shartnoma loyihasini tayyorladilar.