Tezkor shaxmat bo‘yicha jahon chempionatining eng yosh g‘olibi-Nodirbek Abdusattorov

O‘zbekistonlik Nodirbek Abdusattorov Varshavada shaxmatning tezkor shaxmat bo‘yicha jahon chempionatida g‘olib bo‘ldi

14 Ocak 2022 14:37

Turk dunyosini hayajonga solgan jahon chempionati...

O‘zbekistonlik Nodirbek Abdusattorov 17 yoshida tezkor shaxmat bo‘yicha jahon chempioni bo‘ldi.

O‘zbekiston chempioni Polsha poytaxti Varshava shahrida o‘tkazilgan turnirda 3 karra jahon chempioni norvegiyalik Magnus Karlsenni mag‘lub etib, chempionlikni qo‘lga kiritdi.

Ushbu g‘alaba bilan Nodirbek  Tezkor shaxmatda jahon chempioni bo‘lgan eng yosh sportchiga aylandi.

Chempionligi turk dunyosida katta taassurot qoldirgan, o‘z yurtida “qahramon” sifatida ta’riflangan Nodirbek o‘z his-tuyg‘ulari va fikrlari bilan o‘rtoqlashdi.

“O‘zbekiston nomini dunyoga tanitganimdan juda xursandman”

Jahon chempioni bo'lganingizda o'zingizni qanday his qildingiz?

"O'sha lahza aql bovar qilmas darajada bo'ldi, men juda hayajonlandim.

O‘zbekiston nomini dunyoga tanitganimdan juda xursandman. Chempion bo'lganimda birinchi bo'lib onam tabrikladi. Onam barcha turnirlarga men bilan birga boradi. Mening oilam doim shunday bo'lgan. Meni qo‘llab-quvvatlaydi va yonimda turadi. Shundan so‘ng O‘zbekiston Prezidenti Shavkat Mirziyoyev tabrik yo‘lladi, men bundan juda xursand bo‘ldim. Varshavada matbuot anjumani bo‘lib o‘tdi”.

Tez shaxmat o'ynashga qanday qaror qildingiz?

"Men 4 yoshimdan shaxmat o‘ynay boshlaganman va shaxmatga oid barcha turnirlarda qatnashishga harakat qilganman. Klassik shaxmatdan ko‘ra tez shaxmat o‘ynashimga sabab, vaqt qisqaroq va tezroq. Shaxmatning barcha turlarini o‘ynayman, lekin tezkor shaxmatda chempion bo'lish men uchun alohida o'rin tutadi. Chunki men tez shaxmat o'ynashni xohlayman. Menga bu  ko'proq yoqadi"

"Jahon chempioni bo'lishimdan oldin Ispaniyadagi turnirda ham 1-o'rinni egallaganman"

Chempionatga qanday tayyorgarlik ko'rdingiz?

Oldin ikki marta tezkor shaxmat turnirlarida ishtirok etganman. Ispaniyadagi turnirdan keyin Varshavadagi chempionatda qatnashdim. Ispaniyadagi turnirda ikkita musobaqada qatnashdim va u yerda 1-o‘rinni egalladim. Ushbu muvaffaqiyatlardan so'ng Polshada chempionat boshlandi. Avvalgi muvaffaqiyatlarim menga turtki berdi va Varshavadagi musobaqalarni shu ichki motivatsiya bilan boshladim. Natijada esa jahon chempioni bo‘ldim, bundan juda xursandman.