Turk Davlatlari Tashkiloti Oqsoqollar Kengashi raisi Binali Yildirim O'zbekistonda
B. Yildirim rasmiy uchrashuvlari doirasida O‘zbekiston Senati Raisi Tanzila Norboyeva, Bosh vazir o‘rinbosari, Tashqi savdo va sarmoya vaziri Sardor Umrzoqov va Tashqi ishlar vaziri o‘rinbosari Vladimir Norov bilan uchrashdi.
24 Mart 2022 14:34
B. Yildirim T. Norboyevaga ota-bobolari yurti qardosh O‘zbekistonda ekanligidan mamnunligini bildirib, 2018-yilda parlament raisi sifatida O‘zbekistonga oxirgi marta kelganidan buyon mamlakatdagi ulkan o‘zgarishlar unga katta ta’sir ko‘rsatganini ta’kidladi.
O‘zbekiston Prezidenti Sh. Mirziyoyev tomonidan ilgari surilgan islohotchi va tashabbuskor yondashuv o‘z samarasini berganini qayd etgan Yildirim, ikki davlat prezidentlarining munosabatlarni rivojlantirish yo‘lidagi birgalikdagi sa’y-harakatlari ikki davlat farovonligi uchun katta imkoniyatlar yaratayotganini qayd etdi.
U O'zbekistonning TDTda aholi soni bo'yicha Turkiyadan keyin ikkinchi eng katta a'zo davlat ekanligini eslatdi.
Norboyeva so‘nggi paytlarda ikki davlat o‘rtasidagi munosabatlar eng yuqori darajada rivojlanib borayotganini, Turkiya delegatsiyalarining mamlakatga tez-tez tashrif buyurayotganini ta’kidladi.
O‘zbekiston va Turkiya o‘rtasidagi aloqalar TDT doirasida jadal rivojlanayotganini ta’kidlagan Norboyeva, bu hamkorlikni rivojlantirishda Oqsoqollar kengashi ham muhim vazifalarni bajarayotganini ta’kidladi.
Mamlakatdagi uchrashuvlari doirasida Umrzoqov bilan uchrashgan Yildirim, ota-bobolar vatanlarida o'zlarini xuddi uydagidek his qilganliklarini ta'kidladi.
Umrzoqov, shuningdek, Turkiyaning muhim davlat arboblaridan biri bo‘lgan, O‘zbekiston-Turkiya munosabatlarini rivojlantirishga muhim hissa qo‘shayotgan Binali Yildirimga minnatdorchilik bildirdi.
Yildirim O'zbekiston Tashqi ishlar vaziri o'rinbosari Vladimir Norov bilan ham uchrashib, O'zbekistonning Turkiya bilan TDT doirasidagi aloqalarini muhokama qildi.
11 noyabr kuni O‘zbekistonda TDT sammiti bo‘lib o‘tadi
Yildirim uchrashuvdan keyin matbuotga bergan bayonotida, ota-bobolar vatani, doʻst va qardosh Oʻzbekistonda qizgʻin muloqotlar oʻtkazganligini, ertaga Prezident Sh. Mirziyoyev tomonidan qabul qilinishini bildirdi.
TDT Davlat rahbarlari sammitining 11-noyabr kuni O'zbekistonda bo'lib o'tishiga diqqat qaratgan Yildirim, bu sammit bilan TDT davr raisligining O'zbekistonga o'tishini qayd etdi.