Turkiya Qurolli Kuchlari Bosh shtab boshlig’i O‘zbekistonga tashrif buyurdi
Turkiya Qurolli Kuchlari Bosh shtabi boshlig’i Yashar Guler boshchiligidagi delegatsiya harbiy marosim bilan qarshi olindi
24 Mart 2021 14:10
Turkiya Qurolli Kuchlari Bosh shtab boshlig’i O‘zbekistonga tashrif buyurdi
Turkiya delegatsiyasi vakillari Toshkentdagi "G‘alaba bog‘i" yodgorlik majmuasiga tashrif buyurishi, shuningdek, "Termiz" poligonida o‘tkazilayotgan O‘zbekiston-Turkiya qo‘shma taktik o‘quv mashg'ulotlarini kuzatishi kutilmoqda.
Bugun 23 mart Turkiya Qurolli Kuchlari Bosh shtabi boshlig’i Yashar Guler boshchiligidagi delegatsiya O‘zbekistonga tashrif buyurdi.
Delegatsiya harbiy marosim bilan qarshi olindi.
O'zbekiston Mudofaa vazirligi matbuot xizmatining xabar qilishicha, Turkiya delegatsiyasi rahbari Yashar Guler O‘zbekiston Qurolli Kuchlari Bosh shtabi boshlig’i Shuxrat Holmuhammedov bilan uchrashuv o‘tkazgan.
Uchrashuv davomida Guler O'zbekistonda bo'lganidan juda mamnun ekanligini bildirdi.
Guler Halmuhammedovni Bosh shtab boshlig'i lavozimiga yangi tayinlangani bilan tabriklagan.
"Do'st va qardosh mamlakat, chuqur tarixiy va madaniy aloqalarga ega ushbu mamlakat biz uchun alohida ahamiyatga ega. Shuning uchun biz O'zbekiston bilan harbiy aloqalarimizni chuqurlashtirishgakatta e’tibor qaratmoqdamiz. Qurolli kuchlarimiz o'rtasidagi hamkorlik keng ko'lamda ta'limdan yuqori darajadagi tashriflarga qadar davom etmoqda. Turkiya qurolli kuchlari sifatida biz har doim o'z bilimimiz va tajribamizni imkon qadar O'zbekiston Qurolli kuchlari almashishga tayyormiz. " - dedi u.
Ikki mamlakat o'rtasidagi siyosiy, iqtisodiy, madaniy-gumanitar va boshqa sohalardagi aloqalar bosqichma-bosqich rivojlanib borayotganini, shu doirada xavfsizlik va harbiy sohalardagi aloqalar ham mustahkamlanib borayotganini ta'kidlagan Halmuhammedov, mudofaa muassasalari o'rtasida o'zaro tashriflar amalga oshirilganligini aytdi.
Halmuhammedov, Turkiya maxsus kuchlari o'quv guruhlari va O'zbekiston Qurolli Kuchlari o'rtasida terrorizmga qarshi kurash bo'yicha qo'shma harbiy o'quv mashg'ulotlarini tashkil etish muhimligini ta'kidlab, "Ikki mamlakat qurolli kuchlari o'rtasidagi munosabatlar asta-sekin rivojlanib bormoqda. Biz yana bir bor ta'kidlashni istaymizki turk do'stlarimiz bilan hamkorlikni yanada rivojlantirishga tayyormiz ", - dedi.
Turkiya delegatsiyasi vakillari Toshkentdagi “G‘alaba bog’i” yodgorlik majmuasiga tashrif buyurishi, va Termizda o‘tkazilayotgan O‘zbekiston-Turkiya qo‘shma taktik o’quv mashg’ulotlarini kuzatishi rejalashtirilgan.