Turkmanistonning tarixiy Ko'hna Urganch shahridagi Torebeg xonim maqbarasi

Torebeg xonim maqbarasi XIV asr me'morchiligining eng go'zal namunalaridan biridir

20 Haziran 2021 11:56

Torebeg xonimning maqbarasi hozirgi Turkmanistonning qadimiy Urganch shahrining markaziy qismida, Qutlug' Temur minorasidan shimoli-g'arbda joylashgan.

Aynan qachon qurilganligi noma'lum. Biroq, tarixchilar Qutlug' Temurning Xorazmni boshqargan davrida (1321-1336) yoki undan oldin qurilgan deb hisoblashadi.

Bino bir necha qismdan iborat. Asosiy qism tashqi tomondan o'n ikki, ichki tomondan olti burchakli ko'rinadi. Tomi gumbaz bilan qoplangan.

Bino geometrik naqshlar bilan bezatilgan. Shuningdek, yulduzlar va gullar tasviri mavjud. Ichki makon - Xorazm san'atining durdonasi hisoblanadi.

Bino tomidagi teshiklar orqali yoritilgan.

Torebeg xonim kim edi?

Torebeg xonim tarixiy shaxs edi. U Oltin O'rda podshosi O'zbek xonining qizi va Xorazm hukmdori Qutlug' Temurning rafiqasi edi. U o’z davrida ayollarning piri deb hisoblangan.