Azerbaýjanyñ halk aýdymçysy we aktýory Reşit Majid ogly Behbudow

Reşit Majid ogly Behbudow 1915-nji ýylyñ 14-nji dekabrynda Tbiliside dünýä indi.

11 Şubat 2022 22:45

Ejesi Firuze Hanym Wekilow maşgalasynyň agzasydy. Çagalyk döwründe mekdebiň horuna goşulan Behbudow 1933-nji ýylda Demir ýol mekdebinde okady. Okuw döwründe talyplaryň özbaşdak işjeň orkestrine gatnaşdy.

1943-nji ýylyň ahyrynda Bakuw kino-studiýalarynda Üzeýir Hajibaýowyň döreden operasyna esaslanyp surata düşürilen "Arşyn Mal Alan" çeper filmdäki baş keşbe çagyryldy.

Çeper film, 1945-nji ýylda ýaýlyma berlende diñe Azerbaýjanda däl tutuş sowet soýuzynda uly meşhurlyk gazandy.

1946-njy ýylda bu çeper filmde janlandyrlan “Asker” roly mynasybetli Raşid Behbudowa “Stalin Baýragy” gowşuruldy.

1949-njy ýylda Budapeştde geçirilen Bütindünýä ýaşlar we talyplar festiwalynda sahna çykdy.

1946-1956-njy ýyllarda Azerbaýjan döwlet filarmoniýasynyň, 1953-1960-njy ýyllar aralygynda Mirza Fatali Ahundowyň adyndan Azerbaýjan döwlet opera we balet teatryñ solisti, soňra Döwlet konsert birleşiginiň guramaçysy we başlygy boldy.

1966-njy ýylda, jaz, balet, pantomime ýaly dürli aýdym-saz we estrada sungatyny birleşdirýän Azerbaýjan döwlet aýdym-saz teatryny gurdy we bu teatrda ömrüniň ahyryna çenli solist we sungat ýolbaşçysy bolup işledi.

Ol, Azerbaýjan, bengal, pars, hindi, rus, türk we urdu ýaly köp dillerde aýdymlar ýerine ýetirdi.

Halypa Reşit Majid ogly Behbudow Argentina, Albaniýa, Belgiýa, Angliýa, Hytaý, Efiopiýa, Finlýandiýa, Hindistan, Yrak, Eýran, Çili we Türkiýe ýaly köp ýurtda çykyş etdi.

Türkiýede ilkinji konsertini 1961-nji ýylda  skripkaçy Azad Aliýew bilen Ankara we Stambulda berdi.

Sowet Soýuzynda mikrofonsyz aýdym aýtmak bilen meşhurlyk gazandy.

Behbudow Hindistana guran sapary barasynda “Uzak Hindistanda” atly kitabyny ýazdy.

1959-njy ýylda SSSR-iň “Halk Aýdymçysy”, 1980-nji ýylda “Zähmet Gahrymany” diýen ada eýe boldy.

Beýik ussat 1989-njy ýylyň 9-njy iýunynda Moskwada dünýeden ötdi.